As madereiras auguran a ruína do sector en Galicia "se Ence márchase"
Por Oskar Viéitez
O presidente da agrupación de asociacións, federacións e empresas do sector da madeira, Confemadera, Elier Ojea, asegura que "plantexarse que Ence desapareza é suscitarse a ruína do sector".
A pastera consume o 40% da materia prima extraída dos bosques galegos.
Ojea insiste nunhas declaracións que recolle R. Rodríguez no Economiadigital.com que "sería unha noticia negra e non estamos para esas florituras. Está exportando, mantendo os seus postos de traballo, implantou melloras en vertidos e coeficiente de contaminación, ten un compromiso de eliminación dos cheiros e confiamos que nesta liña póidase reformular a súa continuidade".
Segundo os datos aportados por Confemadera unha redución na actividade de Ence influiría decisivamente nas empresas do sector da madeira, precisamente, onde mellor manteñen o tipo no contexto económico actual, na primeira transformación, nesta fase ata chegou a incrementar a facturación un 3% en plena recesión económica.
Na segunda transformación a crise está sendo máis incisiva. Especialmente, nas industria do moble, cuxa facturación caeu un 11% o pasado ano e non espera remontar as cifras no que está apunto de finalizar.