Detido por roubar lambetadas, xamóns e embutidos en camións de repartición
Por Redacción
A Garda Civil detivo un veciño de Poio como suposto autor de varios delitos contra a propiedade por roubar lambetadas, xamóns e embutidos e produtos lácteos valorados en 11.000 euros en varios camións de repartición.
Segundo informou a Garda Civil, o detido é M.J.J., de 33 anos, e atribúenselle catro roubos noutros tantos camións de repartición estacionados en Cangas e Arcade (Concello de Soutomaior). En todos os casos, os roubos producíronse de noite e aproveitando que os vehículos estaban cargados cos produtos que ao día seguinte tiñan que repartir.
A súa detención é froito das investigacións realizadas por axentes do posto da Garda Civil de Cangas do Morrazo a raíz das denuncias presentadas polos donos dos vehículos.
O detido, que conta con antecedentes policiais, foi trasladado ao cuertel e quedou en liberdade coa obriga de presentarse ante o Xulgado de Instrución número 1 de Cangas do Morrazo cando o requiran.