Detido por vender heroína en Raíña Vitoria
Por Redacción
Un home de 44 anos foi detido nos últimos días pola Policía Local de Pontevedra por, supostamente, vender heroína na avenida Raíña Vitoria. Atribúeselle un delito contra a saúde pública por tráfico de drogas.
O individuo foi detido o día 22 de novembro tras ser localizado polos axentes realizando esta actividade ilegal a plena luz do día. En concreto, os policías sorprendérono sobre as 12.30 horas, segundo informou a Policía Local.
Os axentes viron como un home ao que xa coñecían por intervencións anteriores relacionadas co menudeo e o tráfico de drogas contactaba cunha muller de mediana idade e lle entregaba unha papelina a cambio de cartos.
Xusto despois, puideron constatar que o que lle pasaron a esta muller fora unha papelina de heroína, de modo que procederon á súa detención. Tamén lle interviron varias papelinas de heroína.