Localizan en Vigo á menor vilagarciana desaparecida
Por Redacción
Cansa e atordada mentres deambulaba por un supermercado de Vigo, así localizaron os axentes da Policía Nacional a Andrea, a adolescente de 17 anos que desapareceu o mércores tras saír do instituto Castro Alobre, de Vilagarcía.
Os pais da menor foron a recollela nada máis ser informados da súa aparición, segundo confirmaron fontes do dispositivo de busca.
O pai da moza confirmou que Andrea "está ben".
Non se informou sobre as causas da súa desaparición.