A Garda Civil detén sete persoas e incauta 390 quilos de cocaína oculta entre carbón
Por Redacción
A Garda Civil incautou 390 quilos de cocaína oculto entre un cargamento de carbón interceptado nunha nave industrial da localidade coruñesa de Ordes.
Un xulgado do municipio alicantino de Orihuela dirixe esta operación que segue aberta e na que, polo momento, xa foron detidas sete persoas. Tres delas son da comarca do Salnés e nas últimas horas foron pasando a disposición do Xulgado de Primera Instancia e Instrución número 2 de Vilagarcía que ordenou o ingreso en prisión provisional, comunicada e sen fianza, dos tres arrestados por un presunto delito contra a saúde pública.
Estes tres detidos son veciños de Cambados, da Pantrigueira (Vilanova), e da Carabuxeira, en Sanxenxo.
Unha das detencións, a do dono do almacén, produciuse este sábado nun furancho de Baión (Vilanova).
Á fronte desta investigación encóntrase o Equipo contra o Crime Organizado (ECO) da Garda Civil.