Novo plan de práctica laboral para 200 titulados
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A Deputación de Pontevedra iniciou xa a tramitación dun novo Plan de Práctica Laboral que beneficiará a 200 titulados universitarios e de FP que desenvolverán o seu labor na administración local. Así o anunciou este venres o presidente da institución, Rafael Louzán, na rolda de prensa posterior á Xunta de Goberno, onde subliñou que os concellos teñen de prazo ata o 20 de novembro para presentar as solicitudes de bolseiros.
Cada concello terá dereito a entre 1 e 5 bolseiros, dependendo da súa poboación e o obxectivo é que nos próximos días poidan ir detallando o perfil dos bolseiros que demandan para, de seguido, convocar as prazas.
Os concellos deberán presentar un proxecto de práctica laboral no que se especifique a titulación demandada, as tarefas que vai realizar o bolseiro, o centro de traballo no que vai prestar servizo, o horario, o sistema de titorías da formación práctica e os criterios de avaliación dos resultados.
Unha vez rematado o prazo de solicitudes e definido o perfil dos bolseiros, procederase a convocar as bolsas por titulacións, para que os mozos titulados e sen experiencia previa poidan presentarse.
As bolsas oscilarán entre os 700 e 800 euros e concederanse por un período de 6 meses prorrogables por outros seis.
O obxectivo é que os 200 mozos poidan comezar a súa formación práctica nos primeiros meses de 2015.
Relacionadas:
-
Un total de 907 mozos titulados preinscríbense para optar ás 200 bolsas do novo plan de práctica
Por Redacción |
-
Destinan 6,2 millóns a contratar a 1.500 operarios municipais a partir de febreiro
Por Redacción |
-
Mozos titulados: vaian preparando os papeis, arranca un novo plan de prácticas laborais
Por Oskar Viéitez |
-
400 mozos titulados comezan o 1 de outubro a traballar como bolseiros en empresas da provincia
Por Redacción |
-
Máis de 180 desempregados poderán beneficiarse a partir de outubro do II Plan de Emprego Local
Por Alejandro Espiño |