O PP traslada á Xunta as demandas dos veciños de Fontáns e Bordel
Por Redacción
O portavoz do PP de Pontevedra, Jacobo Moreira, trasladoulle ao delegado territorial da Xunta en Pontevedra, José Manuel Cores Tourís, que cambie a liña continua pola discontinua e se coloque un espello de tráfico para mellorar a seguridade e visibilidade no cruce do Goio en San Andrés de Xeve
Tamén pediu o arranxo e rehabilitación de dous pasos de acceso a fincas e a reposición e reparación de muros caídos a consecuencia das riadas, así como a limpeza do cauce no lugar de Fontáns en Santa María de Xeve.
Finalmente, en relación ao lugar de Bordel, en Verducido, o PP de Pontevedra solicitou á Xunta que leve a cabo a limpeza e profundización do cauce para evitar a filtración de auga a unha vivenda situada nas inmediacións do río Raxadoiro.
José Manuel Cores Tourís asegurou aos representantes populares de Pontevedra que dará traslado destas demandas ao departamento autonómico correspondente.