Comeza o Ano 'Teresiano', unha oportunidade para gañar o xubileo na Basílica de Santa María
Por Redacción
Este mércores, 15 de outubro, iníciase o Ano Teresiano, con motivo da celebración do quinto centenario do nacemento de Santa Teresa de Ávila. Por este motivo, poderán gañar indulxencias plenarias naqueles templos decretados por cada bispo dentro da súa Diocese. No caso da Vicaría Episcopal Territorial de Pontevedra, que abrangue os Arciprestados do Lérez, Arousa, Montes, Morrazo, Ribadumia, Salnés e Umia, só poderanse gañar estas grazas na Real Basílica de Santa María la Mayor de Pontevedra.
Este mércores 15 celebrarase unha misa solemne, presidida polo Vicario Episcopal Territorial de Pontevedra, Calixto Cobo, en honor da santa abulense, ás 20.00 horas, co obxectivo de celebrar o comezo deste xubileu.
Santa Teresa de Jesús, tamén coñecida como Santa Teresa de Ávila, é recordada por ser a gran reformadora das carmelitas descalzas, dentro da Orde Da nosa Señora do Monte Carmelo. O 28 de marzo cumpriranse os cincocentos anos do seu nacemento e esta celebración foi declarada Ano Xubilar polo Papa Francisco.
Na parroquia de Santa María venerarase tanto a propia Santa Teresa coma a Virxe do Carmen, ademais de ao Beato Daniel de la Sagrada Pasión, mártir dos Carmelitas Descalzos da congregación de Toledo. Por outra parte, os mozos fieis da parroquia pontevedresa asistirán ao Encontro Europeo de Mozos, en Ávila, do 2 ao 9 de agosto do ano próximo dentro das actividades programadas con motivo do Ano Teresiano.