Identifican os restos óseos atopados na Lama hai máis dun ano
Por Redacción
A Garda Civil obtivo a identificación dos restos óseos aparecidos nun lugar de difícil acceso nos montes da Fraga, en Berducido (A Lama), o 24 de agosto de 2013. Un veciño alertara da presenza dunha gran cantidade de ósos xunto con distintas pezas de roupa.
Identificáronse os restos como os de José Manuel Filloy Sieiro, de 41 anos de idade, e veciño do concello de Cerdedo. Esta persoa encontrábase desaparecida, dende a súa saída con permiso penitenciario do Centro de pereiro de Aguiar en Ourense en decembro de 2012, onde cumpría condena por varios delitos contra o patrimonio.
A patrulla do Posto de Ponte Caldelas comprobou que se trataba de restos humanos, polo que se acordoou a zona para que por parte dos compoñentes do Laboratorio de Criminalística de Policía Xudicial da Comandancia da Garda Civil de Pontevedra se levase a cabo unha minuciosa inspección ocular do lugar. Unha vez levada a cabo a inspección e tras a adquisición no lugar de numerosos vestixios e mostras biolóxicas o Instituto Nacional de Toxicoloxía, a través de posibles perfís xenéticos.
Logrouse acoutar estes candidatos polo Departamento de Bioloxía do Servizo de Criminalística da Garda Civil na través dos perfís das Bases de Datos de ADN humano.
A Garda Civil continúa coas investigacións co fin de poder descubrir as circunstancias e causas do falecemento.