Revisións de balde para os pontevedreses con problemas para ver en 3D
Por Redacción
O Colexio de ÿpticos-Optometristas de Galicia celebrará este martes día 14 o Día Mundial da Optometría, dedicado este ano á visión estereoscópica ou en 3D. Este ano faranse exames sobre a visión estereoscópica durante toda a semana (13-19 de outubro) en 15 ópticas de Pontevedra.
O presidente do Colexio de ÿpticos-Optometristas de Galicia, Eduardo Eiroa, explicou que a visión estereoscópica permite percibir un espazo en tres dimensións e determinar con gran precisión a posición dos obxectos no espazo. "A visión en tres dimensións é posible dada a posición frontal dos ollos. O cerebro forma unha imaxe en tres dimensións fusionando as percepcións de cada ollo, que son ligeramente diferentes. Necesítase unha boa visión e unha coordinación correcta en ambos ollos", sinala.
Pero os ópticos-optometristas aseguran que o 4,13 % da poboación galega ten problemas de visión binocular (que os dous ollos vexan á vez e de forma coordinada) e, polo tanto, dificultades para obter unha boa visión estereoscópica, sobre todo a distancias curtas.
A extensión do término 3D na vida diaria débese á revolución das novas tecnoloxías no cine, televisión ou nos videoxogos.
Para detectar problemas de visión estereoscópica, os ópticos-optometristas fan unha proba aos seus pacientes, coñecido como o test da mosca.