Baixa o número de visitantes que acoden ás oficinas municipais de turismo de Vilagarcía
Por Redacción
A temporada turística de verán en Vilagarcía pechouse cun total de 10.429 persoas atendidas nas oficinas municipais de turismo. A cifra é sensiblemente inferior a o ano 2013, aínda que a percepción xeral nas rúas este verán era a dunha maior afluencia de turistas que o ano pasado.
Segundo a memoria realizada polo persoal de Turismo, en Vilagarcía os visitantes de orixe nacional seguen superando aos estranxeiros, encabezando ambas listas madrileños e franceses. Por último, o Museo do Tren e o Centro de Interpretación da Ría, recibiron en verán a visita de 3.441 persoas.
Mantense o turismo náutico con pernoctacións nos seus propios barcos.
As enquisas realizadas aos usuarios das Oficinas de Turismo desvelan o perfil dos visitantes. Como é habitual, o turismo nacional é fundamental ao acadar o 90.53% das persoas que pasaron polas dependencias municipais este verán. Dentro deste gran grupo, son máis numerosos os visitantes procedentes de resto do territorio español (65,20%) que os de Galicia (25,33%). Por último, a porcentaxe de estranxeiros que acudiu a solicitar información turística as oficinas do Concello representou o 9,46% do total. O maior número de visitantes estranxeiros procedía de Francia e Alemaña.
O 15% dos visitantes teñen Vilagarcía como destino de veraneo permanente ao dispor de segunda residencia.
Mantense o turismo náutico con pernoctacións nos seus propios barcos.
A fidelización é un aspecto importante, tanto polos turistas que teñen residencia de veraneo na cidade como polo 40% que volve a Vilagarcía despois dunha primeira visita.