A Escola Naval Militar participou no desfile do día da Festa Nacional en Madrid
Por Redacción
Os alumnos da Escola Naval Militar de Marín tomaron parte no desfile militar que se celebrou este domingo en Madrid con motivo do Día da Festa Nacional.
Presidido polos Reis, o desfile militar contou, como cada ano, coa participación de 108 alumnos que constituiron unha Escuadra de Gastadores e unha compañía da Escola Naval Militar ao mando dun tenente de navío profesor.
Como novidade este ano, desfilaron integrados na citada compañía un cadete da Academia Naval dos Estados Unidos, e dous alumnos da Escola Naval de Francia, os cales se encontran cursando os seus estudos na Escola Naval durante un cuadrimestre completo, en virtude dun programa de intercambio de alumnos entre academias navais.
Ademais, a Escola Naval Militar, con motivo da devandita celebración, realizou unha xornada de portas abertas con visitas guiadas, nas que se puido ver, ademais das súas instalacións, o Pañol Histórico do centro castrense.