As chuvias provocan inundacións en Carril
Por Redacción
As chuvias deste outono provocaron durante esta xornada inundacións na Avenida Rosalía de Castro na localidade de Carril en Vilagarcía de Arousa que provocou que os condutores tiveran que aumentar a precaución cando circulaban por esta estrada PO-548.
Non foi necesaria a intervención dos Bombeiros de Vilagarcía que indicaron que este tipo de situacións é frecuente nesta época do ano debido a que os sumidoiros se atopan obstaculizados por residuos despois do verán.
Por outra parte, os bombeiros tamén tiveron que achegarse durante a tarde deste xoves a un incendio urbano en Vilagarcía debido a unha tixola que queimou a campá extractora nunha vivenda sen que se produciran máis danos.