Cortan o tráfico en Loureiro Crespo por un forte olor a gas
Por Oskar Viéitez
Os Bombeiros de Pontevedra acudiron ás 9:10 horas deste xoves á rúa Loureiro Crespo ante o aviso dun particular ao detectarse a presenza dun forte olor a gas.
As medicións efectuadas a pé de rúa corroboraron a presenza de gas que todos os transeúnes estaban a constatar.
Os bombeiros xunto con técnicos de Gas Natural cortaron a subministración en toda a zona mentres procederon á inspección dos edificios situados na rúa Antón Fraguas e o tramo de Loureiro Crespo, entre a Antiga Comandancia da Garda Civil e o Hospital Provincial.
A Policía Local procedeu ao corte de tráfico nestas rúas dende as 9:30 horas e ata as 10:50 horas.
A hipótese que se manexaba era dun probable escape de gas durante a limpeza dunha caldeira de propano.