![](/web/cache/scene/uploads/fotos/foto/37b/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/541840580d-garcia-senorans2.jpg)
© Xunta de Galicia
Blanca García-Señoráns, nova directora xeral de Relacións Institucionais e Parlamentarias da Xunta
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/a08/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/54183fdae4-garcia-senorans.jpg)
© Xunta de Galicia
A pontevedresa Blanca García-Señoráns tomou posesión este martes como nova directora xeral de Relacións Institucionais e Parlamentarias da Xunta de Galicia.
A dirección xeral de Relacións Parlamentarias é o órgano da Consellería de Presidencia encargado de asistir ao Goberno galego nas súas relacións co Parlamento de Galicia, levando a cabo o seguimento do programa lexislativo e dos acordos parlamentarios.
Ademais, realiza funcións de apoio ao presidente da Xunta e ás consellerías nas súas intervencións parlamentarias. Blanca García-Señorans será así mesmo, a responsable da organización dos procesos electorais que son competencia da Comunidade Autónoma.
García-Señorans é licenciada en Xeografía e Historia, na especialidade de Arquivística, ámbito no que traballou gran parte da súa traxectoria profesional. Foi tamén concelleira do Partido Popular na cidade de Pontevedra e xefa de gabinete da Vicepresidencia da Xunta dende 2009.
No acto da toma de posesión estiveron presentes, entre outras autoridades, o conselleiro de Economía e Industria, Francisco Conde; o portavoz do grupo parlamentario popular, Pedro Puy; o deputado do Congreso, Gonzalo Ordoñez; e todo o equipo directivo da Vicepresidencia e consellería de Presidencia, Administracións Públicas e Xustiza.