Marea Pontevedra fará enquisas para elaborar o seu programa electoral
Por Oskar Viéitez
Co firme propósito de presentar unha candidatura ás próximas eleccións municipais constituíuse este mércores o colectivo cidadán 'Marea Pontevedra' nunha asemblea celebrada na Casa das Campás á que asistiron máis de 50 persoas.
Os integrantes deste movemento cidadán establecerán unha serie de contactos a partir de agora con diferentes asociacións e colectivos do municipio, ademais, co fin de recoller as demandas cidadás e aqueles problemas que máis preocupan na capital, encargarán medio millar de enquisas. A partir de todos estes contactos e sondeos irase conformando un programa político.
No mes de decembro empezará un proceso de primarias abertas para conformar unha candidatura.
A asemblea tamén acordou elixir como voceiro o arquitecto pontevedrés Guillermo Casalderrey.
A asemblea fundacional tamén aprobou os seus órganos de coordinación que estarán conformados por unha coordinadora xeral composta por 7 membros elixidos na asemblea e outros sete que sairán das distintas areas de traballo. A asemblea nomeou a Vanessa Angustia, Guillermo Casalderrey, Patricia Díaz, Virginia Díaz, Cynthia Piña, José Antonio Ramírez e Manolo Torres membros da coordinadora.
Relacionadas:
-
Marea Pontevedra convoca dúas xornadas abertas para elaborar as bases do seu programa electoral
Por Diego Espiño |
-
Marea e Compromiso por Galicia avanzan na súa folla de ruta cara ás municipais en Pontevedra
Por Oskar Viéitez |
-
A asemblea fundacional da Marea Pontevedra definirá a súa folla de ruta
Por Redacción |
-
Marea Pontevedra preséntase coa vista posta nas eleccións municipais de 2015
Por Diego Espiño |