Sancionados por pasear sen permiso a cabalo pola Feira Franca e desobedecer á Policía
Por Redacción
A Policía Local de Pontevedra sancionou durante a Feira Franca a dous xinetes que foron detectados paseando a cabalo sen permiso polo casco histórico e, cando os axentes lle deron o alto, desobedecéronos. Multóuselles por neglixencia por usar o cabalo sen ter autorización para ese día e esa zona e identificóuselles por desobedencia por desoir as advertencias da Policía.
Segundo informaron fontes policiais, os feitos aconteceron durante a noite do sábado. Na Xefatura recibíronse as queixas de persoas que se encontraban na praza da Pedreira pola presenza alí de dous xinetes con cabalos, cando a presenza destes animais está prohibida durante a Feira Franca agás para os que piden autorización.
Tras ter constancia da presenza dos equinos, unha patrulla dirixiuse á zona e deuse o alto aos xinetes para comunicalo que a súa presenza non estaba permitida. Estes non tomaron ben o requirimento e comunicaron aos axentes que se dirixirían cara á zona do Campillo. Alí volveron ser localizados e o primeiro deles denunciado.
O segundo xinete foi localizado na zona da ponte do Burgo e a ambos os dous comunicóuselles a súa denuncia por desobediencia e neglixencia. A súa identificación chamou a atención dos traseúntes e testemuñas presenciais relataron que os xinetes tiveron mala reacción cando se lles comunicou a situación.