Catro persoas feridas en distintos accidentes na comarca
Por Redacción
Segundo informou o Centro de Atención de Emerxencias 112 catro persoas resultaron feridas en distintos accidentes acontecidos este sábado na comarca de Pontevedra.
En Marín, unha muller de 67 anos, foi atropelada ás 22.30 horas na avenida de Ourense, sendo trasladada de urxencia a un centro hospitalario.
En Pontevedra rexistrouse unha colisión entre unha moto e un coche. Aconteceu ás 13.13 horas, resultando ferido o motorista.
Sobre esa mesma hora, no Grove, tivo que ser atendido o piloto doutra moto que caeu ao chan tras esvarar o seu vehículo na rúa de Alexandre Bóveda.
O último suceso do que se informou foi unha saída de vía dun coche en Cotobade. Tivo lugar ás 17:03 horas, á altura da Soldada. Non houbo feridos.