Valongo celebra esta fin de semana a Festa do Libramento e a Festa da Filloa
Por Redacción
O Concello de Cotobade está levando a cabo a limpeza, desbroce e acondiconamento de todos os lugares da parroquia de Valongo, onde esta fin de semana se celebran os actos da Festividade do Libramento e da Filloa.
Así mesmo, o Concello xa acondicionara o Campo da Festa, no atrio da Igrexa, renovando o firme cunha capa de xabre compactado, para facilitar incluso que sirva de aparcamento para días en que sexa necesario e os vehículos deixen de quedar atrancados no barro cando chove. Estas obras foron realizadas co equipo de maquinaria da Deputación, tras as numerosas peticións feitas por parte dos veciños ó Goberno Local.
Tamén, durante este verán, o Concello sufragou os gastos necesarios da apertura para conectar os lugares de Rañas co lugar de Cerdeiriña. Unha pista que levaba pechada décadas, e que foi solicitada polos veciños.
O alcalde, Jorge Cubela, dixo que despois "de deixar botar a monte durante anos e anos" o camiño que une a Cerdeiriña con Rañas, "asumimos a petición que nos fixeran, cando eu era candidato á alcaldía e Galiza Aguete Dorrío me seguía como candidata pola parroquia, polos veciños destes dous lugares".
A pista estaba totalmente pechada polo mato e as xestas de grande altura, a petición dos veciños plantexada tras os incendios do 2006, era que estes dous barrios só contaban cunha saída de escape polo que solicitaban que se acondicionase este camiño por se volvía a producir un incendio.
Agora os operarios procederán á compactación e nivelación cunha capa de zahorra para que quede un sendeiro para veciños e coches.