Gran despregamento en Godos para sufocar un incendio nun galpón
Por Redacción
O incendio dun galpón no lugar de Arriba na parroquia caldense de Godos, provocou o despregamento dun gran número de efectivos.
En concreto, ao lugar do suceso acudiron Garda Civil, Protección Civil de Caldas e de Cuntis, os Bombeiros do Salnés e o GES de Valga.
O galpón, que almacenaba 400 pacas de herba, encóntrase anexo a unhas cortes nas que os propietarios tiñan animais que non resultaron afectados.
Foi a propietaria da instalación a que deu a voz de alarma.
Só se produciron danos materiais.