Sanxenxo dá a benvida ás súas festas patronais
Por Redacción
A alcaldesa de Sanxenxo, Catalina González, inaugurou este luns as festas na honra de San Xenxo e Santa Rosalía co tradicional chupinazo dende o balcón da Casa do Concello.
Comezan así uns días de intensa programación festiva no municipio. Ata o 5 de setembro sucederanse os xogos tradicionais, verbenas, espectáculo pirotécnico ou actividades como a Feira da Cebola e a Milla Urbana.
No primeiro deses actos, o Día do Turista, centos de visitantes puideron degustar as sardiñas preparadas na entrada do Porto Deportivo Juan Carlos I.
A pesar das longas colas os turistas non desesperaron para gozar da sardiñada, que despachou preto de 500 quilos de peixe acompañado de pan e viño.
No primeiro día de festexos o arcebispo de Santiago, Julián Barrio, encabezará os aficios relixiosos na honra de San Xenxo, patrón do municipio.