Un plan de asfaltado lavará a cara das principais vías da zona urbana de Vilagarcía
Por Redacción
Un Plan de Asfaltado no que o Concello de Vilagarcía investirá 332.478 euros permitirá acometer unha importante mellora nas principais rúas da localidade.
O Plan de Asfaltado financiarase íntegramente con fondos municipais e permitirá mellorar a capa de rodadura das vías urbanas ante o deterioro que sofre a rede viaria debido á falta de mantemento por carencia de investimentos nos últimos anos. Tamén empeoraron o seu estado os crus invernos pasados, nos que as choivas contibuíron a destragar o firme.
Na zona de San Roque inclúense a rúa San Roque dende a estación de servizo, a Praza da Independencia e Padre Feijoo. No ámbito da Praza de Galicia cóllese ésta, Conde Vallellano, así como Arcebispo Lago e o tramo entre Alexandre Bóveda e Castelao. No ámbito do Cavadelo actuarase entre as rotondas rotondas da Comisaría e a do Porto e o tramo da avenida da Mariña que chega ata a Comandancia.
Pasando á zona sur do centro urbano, actuarase na Glorieta da Mariña Española cara á ponte de Doutor Tourón e asfaltarase toda a Avenida Matosiños, dende Doutor Tourón ata Agustín Romero. O plan chegará tamén á rúa López Ballesteros e, por último, tamén se efectuará un asfaltado na periferia, concretamente na rúa Magnolio de Trabanca Badiña, que se atopa nun estado de deterioro moi avanzado.
A concelleira de Obras, Vías Públicas e Urbanismo, Ana Granja, considera esta actuación "moi necesaria" e sinala que é unha das obras máis demandadas polos veciños, debido aos socavóns que dificultan o paso de vehículos e peóns e que coa choiva crean pozas moi incómodas. Ademais, o mal estado das rúas supón un importante risco de accidentes que tamén se quere atallar.
A previsión é que os traballos poidan comenzar a executarse en outubro, coa idea de rematalos cantos antes a efectos de salvar a temporada de choivas e que as rúas estean en perfecto estado cara novembro ou decembro.