A Garda Civil detén o suposto autor de roubos no interior de 27 turismos aparcados en Monte Lobeira
Por Redacción
A Garda Civil detivo a G.G.G., de 54 anos de idade e veciño de Vilagarcía de Arousa, como suposto autor dun delito continuado de roubo con forza no interior de máis dunha vintena de vehículos estacionados nas inmediacións do miradoiro de Monte Lobeira en Vilanova de Arousa.
Na tarde do luns 11, axentes do Posto da Garda Civil de Vilagarcía de Arousa detiñan ao home que supostamente aproveitaba que os donos dos vehículos subían ao miradoiro de Monte Lobeira para romper cunha pedra o cristal dunha das xanelas do vehículo e se apoderaba de bolsos ou carteiras que abandonaba entre a maleza da masa forestal, despois de subtraer o diñeiro que había no interior.
Segundo informa a Garda Civil, no transcurso da instrución das dilixencias, púidose constatar que o detido é o suposto autor de 27 roubos en interior doutros tantos turismos estacionados nesa zona, ao longo dos últimos meses.