A chuvia obriga a suspender a procesión da Peregrina
Por Redacción
Pontevedra quedou sen a procesión na honra da súa patroa provincial, a Virxe Peregrina, despois de que a chuvia obrigase a suspender a marcha ao igual que sucedeu no ano 2011.
A comitiva tiña previsto saír do templo ás 21:00 horas, pero 30 minutos antes a Confraría da Nosa Señora do Refuxio Divina Peregrina tomou a difícil decisión ante o pesar dos centos de pontevedreses que se achegaran ata os arredores do santuario.
A suspensión prodúcese para evitar danos na imaxe da Virxe e o seu traxe, e leva consigo tamén a non celebración da danza gremial de cintas, tradición que se remonta ao século XVIII.
O que si tivo lugar horas antes é outro das habituais homenaxes á patroa, a misa solenme presidida polo arcebispo de Santiago, Julián Barrio, e a posterior ofrenda floral.