Posta a punto nos centros escolares de Ponte Caldelas
Por Redacción
Operarios municipais aproveitan o parón estival nos centros educativos de Ponte Caldelas para realizar os traballos de reparación e mantemento necesarios.
As brigadas traballan xa en executar as reparacións que formularon a final de curso os directores dos colexios da Reigosa, Cordo Boullosa e a gardaría municipal.
Desta forma procedeuse a ampliar e pintar varias aulas do CEIP Cordo Boullosa, a mellorar a súa accesibilidade e tamén a reparar a fachada lateral do edificio do CEIP A Reigosa, deteriorada polo efecto das incidencias meteorolóxicas do inverno.
Todos os traballos estarán conlcuidos antes do inicio do curso lectivo, no mes de setembro, e contan coa colaboración nalgún caso da Consellería de Educación da Xunta de Galicia.