O sector ecolóxico cítase en Cambados na segunda edición da feira 'Ecological'
Por Redacción
Un total de 50 firmas de produtos ecolóxicos reúnense en Cambados dende este xoves e ata o domingo día 10 de agosto na segunda edición da feira Ecological.
Nos 42 postos instalados ao longo do Paseo da Calzada poderán encontrase produtos como alimentos ecolóxicos ou xoguetes alternativos elaborados por empresas de toda España.
As xornadas están enfocadas a produtores que xa traballan no sector ecolóxico e a todos aqueles que pensan pasarse a esta forma de entender o mundo empresarial.
As casetas permanecerán abertas de 11:00 a 22:00 horas e nelas organizaranse diversas actividades, como catas ou degustacións dos diferentes produtos.
O programa completo de charlas e actividades pode consultarse na páxina web www.ecologicalgalicia.com.