O xulgado desestima o recurso de Varela Villamor polo modificado do arrabal de Santa María
Por Oskar Viéitez
O xulgado do contencioso-administrativo número 2 de Pontevedra desestimou o recurso presentado pola empresa Varela Villamor polo que a firma construtora reclamaba ao Concello o pagamento de 164.153,05 euros por modificados introducidos no contrato de reforma do "arrabal de Santa María".
Segundo informou o voceiro municipal, Raimundo González, a empresa reclamaba ao Concello sobre a base de que houbo unha modificación do proxecto.
No fallo xudicial recórdase que se trataba dunha adxudicación de proxecto e obra (proxecto mixto) e que a empresa non alegou senón que aceptou o modificado.
O goberno local entende que esta sentenza ten "especial interese" de cara a outras reclamacións similares.