Máis postos e máis días para a feira de artesanía Chalana
Por Oskar Viéitez
A feira de artesanía Chalana acode puntual á súa cita cos pontevedreses. Será dende o próximo 17 de xullo e ata o 5 de agosto no paseo de Antonio Odriozola. Son máis días que en edicións anteriores, nas que os organizadores se viron obrigados a ampliar o número de xornadas.
A concelleira de Festas, Carme Da Silva presentou xunto ao presidente da Asociación de deseño Atlántico, Salvador Vázquez, e a artesá María Xosé Lois Vázquez, a sétima edición desta exitosa convocatoria.
Boa proba da grande aceptación que recolle Chalana está en que este ano son 16 os artesáns que acoden para presentar os seus traballos, catro postos máis que na pasada edición.
O horario de apertura será de 11 a 14, horas e polas tardes de 19 a 23 horas.
Chalana ofrecerá cerámica, metal, prata, xoiaría, téxtil, xoguetes, ourivaría e instrumentos para un público que acostuma ser moi fiel á cita, xa que, segundo explicaron os organizadores, son moitos os clientes que repiten en cada edición. Xunto a eles os turistas compoñen o perfil habitual das persoas que frecuentan esta feira.
Relacionadas:
-
Raxó repite como capital da artesanía e a gastronomía coa feira Chalana
Por Redacción |
-
A Feira de artesanía e deseño Chalana amplía ata o 7 de agosto a súa estanza no Paseo Odriozola
Por Redacción |
-
Os oficios tradicionais galegos máis representativos danse cita na feira Chalana
Por Natalia Puga |