A Deputación abre unha liña de axudas para cubrir necesidades básicas
Por Oskar Viéitez
Conforme se acordou por unanimidade no último Pleno da Corporación provincial, a Xunta de Goberno da Deputación aprobou este mércores as bases que regulan as axudas, cun orzamento total de 365.000 euros, e que van destinadas a cubrir desde alimentación ata vivenda, pasando por medicamentos, produtos de limpeza e hixiene ou a adquisición de medicamentos.
As axudas poderán solicitalas os servizos sociais comunitarios dos concellos de menos de 20.000 habitantes, que disporán dunha contía máxima establecida en función da poboación e da porcentaxe de desemprego a respecto do total da súa poboación e que deberán destinar os fondos a atender ás persoas que carezan de ingresos suficientes para cubrir as súas necesidades básicas.
En todo caso, e aínda que se lle dará prioridade á demanda dirixida a dar resposta ás necesidades alimentarias dos nenos que, polo peche dos comedores escolares, se atopen en situación de exclusión social ou en risco de estalo, a Deputación pretende que esta liña de axudas permita tamén garantir outros dereitos fundamentais.
Relacionadas:
-
Os concellos contarán cunha liña de axudas da Deputación para garantir a atención aos menores
Por Oskar Viéitez |
-
Un 'super' para "comprar con dignidad" alimentos básicos
Por Natalia Puga & Mónica Patxot |
-
Benestar activa un protocolo para achegar alimentos a 182 menores no verán
Por Redacción |
-
Vilagarcía porá en marcha en verán un servizo de menús a domicilio para nenos con carencias alimenticias
Por Redacción |
-
Que o fin de curso non supoña pasar fame
Por Oskar Viéitez |