Cambio "as présas" na Xefatura do Estado
Por Oskar Viéitez
O salón de plenos da Deputación de Pontevedra retirou este venres o vello retrato de Don Juan Carlos para situar unha fotografía oficial do novo Rei Felipe VI.
O cambio demorou o inicio do pleno, previsto para as 11:00 horas. A situación deu pé a numerosas bromas entre os deputados, algún deles quixo inmortalizar o momento co seu teléfono móbil. Mesmo o secretario xeral dos socialistas pontevedreses, apuntouse para sacarse unha foto co cadro do anterior monarca.
A imaxe que agora preside o salón é provisional xa que o goberno provincial encargou un retrato de maior tamaño para presidir os actos oficiais da institución.