Un vídeo do coro do colexio de Barcelos "bota por fóra" na Internet
Por Oskar Viéitez
O coro infantil do colexio de Barcelos gravou durante este curso catro cancións. Os vídeos foron realizados en Litium Records o pasado mes de maio e leva dende o pasado venres día 20 subido en Youtube.
Un dos seus vídeos xa conseguiu acumular máis de catro mil visitas, un dato que resulta sorprendente xa que a publicación non se publicitou, nin sequera funcionou aínda o boca a boca entre a comunidade escolar deste centro pontevedrés ao ter concluído o curso.
O éxito desta iniciativa radica na calidade da interpretación coral.
Neste vídeo dirixido e producido por Gonzalo Maceira, os rapaces do coro interpretan unha canción de Fuel Fandango que é un dúo formado polo produtor Alejandro Acosta e a cantante cordobesa Cristina Manjón, coñecida como Nita.
Esta versión foi do agrado de Fuel Fandango, que a través da súa conta de Twitter publicaron un enlace a este video afirmando que "estos son los detalles que hacen que amemos lo que hacemos. Nos habéis emocionado muchísimo con esta versión".
Ademais subiron outras cancións como " I´ve got something to say", de Reef; "Your Love Alone It´s Not Enough" dos Manic Street Preachers; ou "Are You In " de Incubus.