De grande quero ser bombeiro
Por Redacción
Guillermo José Lariño, estudante de primeiro de Primaria de Nuestra Señora de las Dolores, de Pontevedra, foi o gañador do concurso de debuxos escolares sobre os Bombeiros de Pontevedra. Trátase dunha actividade que anualmente pon en marcha o Servizo de extinción entre os centros de ensino do concello de Pontevedra e que se enmarca nos actos de celebración do patrón dos bombeiros.
Nesta edición participaron escolares dos colexios Campolongo, Sagrado Corazón, Nuestra Señora de los Dolores, San José, Parada-Campañó e Álvarez Limeses.
O gañador poderá acudir acompañado por toda a súa clase ao Parque de Bombeiros onde recibirá un premio relacionado con esta profesión.
O xurado tamén destacou o traballo de José Luis Penide Martínez, de primeiro de Primaria do CEIP Campolongo, que elaborou un informe onde se recollen os seus desexos no caso de que fose bombeiro.