Fomento autoriza as obras de abastecemento en Médico Ballina
Por Redacción
Este martes arrancan as obras na rúa Médico Ballina para a instalación dunha nova rede de abastecemento de auga.
Estes traballos que foron adxudicados hai meses estaban pendentes da autorización por parte do Ministerio de Fomento, xa que a canalización discorre por baixo da estrada Nacional 550.
En concreto a obra esténdese ao longo de 625 metros dende o cruzamento da rúa Medico Ballina ata o cruzamento coa estrada de Vilagarcía.
Unha vez recibida a autorización por parte de Fomento este martes empezarán estes traballos de abastecemento de auga para toda esta zona, que contan cun presuposto de 62.532,89 euros e que non requirirán cortes de tráfico.