Identificada por furtos en diferentes tendas da zona comercial de Pontevedra e Sanxenxo
Por Redacción
Axentes da Policía Nacional da Comisaría Provincial de Pontevedra procederon á identificación dunha moza de 25 anos de idade, natural de Colombia, como presunta autora de varios furtos en dous establecementos comerciais de Pontevedra e Sanxenxo.
Os feitos sucederon sobre as 12.45 horas da mañá do día 6 de xuño, cando axentes pertencentes á Policía Nacional da Comisaría de Pontevedra, que se encontraban realizando labores de prevención da seguridade cidadá polas inmediacións da rúa Benito Corbal, foron requiridos polo responsable dun establecemento comercial da zona que sorprendera a instantes antes a unha muller cando arrancaba os dispositivos de alarma de varias pezas.
A encargada de ao tenda recriminoulle a súa actitude e a muller tras manter unha discusión con ela abandonou apresuradamente a tenda.
Os axentes solicitaron datos da muller e iniciaron un dispositivo de busca para tratar de localizala que culminou cando os axentes a interceptaron na Praza de Barcelos.
Ao ser identificada recoñeceu ter subtraído as pezas e fixo entrega voluntaria destas. Algunhas pezas pertencían a un establecemento comercial de Pontevedra e outras comprobouse que pertencían a unha tenda de roupa sita en Sanxenxo.
As pezas subtraídas eran todas elas camisetas, valoradas no caso da tenda de Pontevedra en 47.70 Euros e as da tenda de Sanxenxo en 25.80 euros.
Os axentes procederon á incautación dos obxectos e trasladaron a muller a dependencias policiais onde foi identificada e se lle fixo entrega dunha citación para a celebración dun xuízo rápido por falta.
Os axentes incautáronlle ademais uns alicates, obxecto xa intervido polos axentes noutras ocasións.