Dúatlon, Pontevedra CF, Panorama... Todos os detalles do operativo de tráfico para a fin de semana
Por Redacción
A partir das 08:00 horas permanecerá totalmente pechado ao tráfico o circuíto urbano.
Dende as 22:00 horas do venres, 30 de maio, prohíbese o estacionamento en todas as rúas do circuíto, manténdose esta prohibición ata o remate do Campionato Europeo de Duatlón.
SÁBADO 31 DE MAIO
Sobre as 08 horas do sábado 31 de maio pecharanse ao tráfico as rúas do circuíto, permanecendo pechado ata o remate do Campionato, (domingo polo serán), agás residentes con garaxes que poderán, entrar e saír entre as nove da noite e as sete e media da maña (noite de sábado a domingo).
Especialmente no horario de maña (entre 10 e 14), esperase moita circulación ao ser un día laborable, polo que moitos condutores, a pesares da información facilitada, atoparanse nos itinerario dos cortes e provocarán retencións. Ademáis a previsión de bo tempo animará a moita xente a ir ás praias.
Dende a Policía Local recomendase:
- Entrada e saída da cidade utilizar a AP-9.
- Evitar zona influencia circuíto, especialmente Ponte Santiago e Ponte dos Tirantes.
- Prever horarios de saídas e entradas na cidade, evitando horas punta.
- Seguir as indicacións dos paneis informativos situados nas entradas da cidade.
- Buscar vías alternativas ao tráfico (exemplo: cara a Poio Sanxenxo: estrada Vilagarcia e vía rápida por Campaño).
- Entrada e saída zona Norte: Avenida Compostela pechado ao tráfico ata rotonda con Médico Ballina.
O ACCESO Á CIDADE PODE FACERSE POR
- Ponte das Palabras (Monteporreiro)
- Cruce de Alba cara a estrada de Vilagarcia
- Médico Ballina cara Ponte do Burgo.
- Saída cara N-550
- Por Monteporreiro Ponte das Palabras N-550
- Santiña Luis Otero Xoan Bautista Andrade
DOMINGO 1 DE XUÿO
Dende as 07:30 horas pechase o circuíto ata o remate das probas deportivas (entre as 18 e 19 horas).
A proba ciclista obriga o peche ao tráfico da N-550 ata Barro.
- Pola maña non se espera complicacións de tráfico agás a saída cara as praias e que non se verán afectadas polo Campionato de Duatlón.
- Pola tarde esperase maior complicación de tráfico entre as 18 horas e as 00:00 horas, especialmente na zona norte da cidade.
- De 18 a 20:00 horas entrada cara ao partido fútbol de Pasarón. (Co remate das probas do Campionato de Duatlón, aproximadamente entre as 18:00 e 18:30 horas se procederá á retirada do valado, especialmente nas inmediacións do Estadio de Pasaron: Xoan Manuel Pintos, Avenida Compostela , Alexandre Bóveda co fin de facilitar a mobilidade cara o campo de futbol).
- De 21 a 00 horas: Saída de Pasaron e acceso cara ao concerto de Panorama na explanada superior do Recinto Feiral. Co fin de garantir o paso peonil entre Pasaron e o Recinto Feiral coa cidade permanecerá pechado ao tráfico a Avenida Compostela ata a rotonda de Pasaron.
Dende a Policía Local recomendase:
- Usuarios N-550 (pechado ao tráfico entre 07:30 e 16:30) recomendase utilizar calquera estrada secundaria ben cara a estrada de Vilagarcia ou a estrada de Campolameiro.
- Entrada e saída da cidade utilizar a AP-9.;
- Evitar a zona de influencia do circuíto, especialmente Ponte Santiago e Ponte dos Tirantes.
- Prever horarios saídas e entrada cidade, evitando horas punta.
- Seguir as indicacións dos paneis informativos situados nas entradas da cidade.
- Buscar vías alternativas ao tráfico (exemplo: cara a Poio Sanxenxo pola estrada de Vilagarcia e vía rápida por Campaño).
A Policía local pon a disposición dos cidadáns que o demanden un servizo de información personalizada, ben telefonicamente (986833080 ou 092) ou persoalmente nas dependencias da Xefatura en Alexandre Bóveda.
Co inicio das probas deportivas, sábado 31 de maio, iniciase o dispositivo de seguridade, preto de 1.000 persoas distribuiranse ao longo do circuíto co fin de garantir a máxima seguridade, tanto aos atletas como aos espectadores. Neste dispositivo de seguridade interveñen varios corpos profesionais de seguridade (Policía Local, Garda Civil e Policía Nacional), a maiores grupos profesionais como bombeiros, empresas dos servizos técnicos de Concello (Aquagest, Cespa, Parque do guindastre, etc), e de un xeito moi destacado os voluntarios.
Serán máis de 600 voluntarios (Protección Civil, Brilat, Centro Penitenciario da Lama, e outros). A Policía Local quere poñer en valor a importancia deste grupo de voluntarios "imprescindibles para o desenrolo do Campionato", que de forma altruísta ceden o seu tempo libre en beneficio de todos.
Os voluntarios distribuiranse ao longo de todo o percorrido con misións específicas para garantir a seguridade, tanto dos atletas como dos espectadores, estarán para informar e colaborar coa cidadanía, do mesmo xeito, dende a Policía Local se solicita a colaboración cidadán coa labor dos voluntarios e que se sigan as indicación facilitadas por eles.