O plan de actuacións nos concellos alcanza os 27 millóns de euros
Por Oskar Viéitez
O pleno da Deputación de Pontevedra aprobou este venres a ampliación do Plan Urxente de Mantemento de Servizos e Infraestruturas Municipais en 12 millóns de euros. Coa medida hoxe aprobada, o plan pasa a dispoñer de 27 millóns de euros.
Segundo explicou durante o pleno o presidente da institución provincial, Rafael Louzán, o plan persegue que os concellos poidan afrontar, entre outras actuacións, os cuantiosos danos que os sucesivos temporais e borrascas ocasionaron nas infraestruturas municipais.
Os concellos aos que vai destinado este plan, de entre 1.000 e 50.000 habitantes, deberán presentar os proxectos que pretenden levar a cabo e se encargarán da contratación dos traballos.