A Xunta aproba a construción dunha planta satélite de gas natural para O Grove
Por Redacción
A Consellería de Economía e Industria publica hoxe no Diario Oficial de Galicia a aprobación do proxecto de construción da planta satélite que permitirá subministrar gas natural ao Grove. A construción desta infraestrutura, segundo informa a Xunta de Galicia, permitirá o acceso ao gas a máis de 11.000 cidadáns.
O proxecto supón un investimento próximo aos 300.000 euros e será desenvolvida pola empresa Gas Galicia SDG. A planta satélite estará conectada coa rede de distribución do concello do Grove, xa construída.
Segundo indica a Xunta de Galicia, o obxectivo do Goberno galego é que a finais de 2014, 76 municipios teñan acceso ao gas natural, o que supón máis de 242.500 vivendas con subministración.