Máis de 178.000 euros para repoñer material eléctrico estragado polos vándalos no Parque empresarial de Nantes
Por Redacción
O Concello de Sanxenxo publica este venres 30 no Boletín Oficial da Provincia as bases para a contratación de once centros de transformación de corrente eléctrica de media tensión que se destinarán ao Parque Empresarial de Nantes. Esta contratación xustifícase en que as instalacións orixinais sufriron importantes deterioracións con motivo de actos vandálicos no polígono industrial.
A reposición do material ten un prezo de licitación de 178.982 euros cunha duración máxima do contrato de dous meses. A adxudicación realízase mediante tramitación ordinaria e procedemento aberto.
En xaneiro, o goberno local iniciara os traballos correspondentes ao arranxo das instalacións da iluminación e da subministración eléctrica. Desmontáronse luminarias, que se encontraban en mal estado, para levar a cabo a súa reparación.
O Concello de Sanxenxo fixo fronte a estas obras a través do aval depositado pola empresa encargada da urbanización dos terreos e que, ante o incumprimento dalgunhas tarefas por parte da empresa, está a ser utilizado polo Concello para pagar estas reparacións.
Relacionadas:
-
Telmo Martín reclama ao catripartito xestionar o parque empresarial de Nantes
Por Redacción |
-
As obras no parque empresarial de Nantes rematarán en abril
Por Redacción |
-
Descobren en Sanxenxo empresarios e particulares chupóns conectados ilegalmente á iluminación pública
Por Redacción |
-
A maleza prolifera nas parcelas do Parque Empresarial de Nantes
Por Redacción |