Once persoas con parálise cerebral realizan as probas para obter os certificados de profesionalidade
Por Redacción
Once usuarios da Federación Galega de Parálise Cerebral ASPACE-Galicia presentáronse ás probas en competencias clave, que organiza a Consellería de Traballo e Benestar. A través destas probas, as persoas sen titulación poden acceder á formación para o emprego asociada aos Certificados de Profesionalidade.
As probas realizáronse no Centro Cultural de Santa María de Xeve, actual sede de ASPACE-Galicia.
Estes usuarios, procedentes da Coruña, Vigo e de Pontevedra tiveron que demostrar os seus coñecementos en lingua castelá, galega, inglés e matemáticas. As competencias clave son contidos de formación básica que aseguran os coñecementos necesarios para acceder aos cursos de certificados de profesionalidade do Servizo público de Emprego de la Xunta de Galicia, que non poidan cursar actualmente por non poder acreditar que dispoñen dunha formación básica.