Dúas mulleres resultan feridas nun accidente de tráfico en Cambados
Por Redacción
Dúas mulleres de 70 e 60 anos resultaron feridas nun accidente de tráfico que se producía na mañá deste venres 23 na Avenida de Vilagarcía na parroquia de Corbillón en Cambados.
As mulleres que viaxaban nun turismo impactaron, cando saían dun taller da zona, contra unha furgoneta cuxo condutor resultou ileso na colisión. O impacto producíanse frontolateralmente por invasión do carril contrario. Foi necesario cortar ao tráfico un dos carrís, segundo informaban dende Protección Civil de Cambados.
As dúas feridas sufriron diferentes traumatismos con dor cervical, torácica e lumbar.
Ata a zona se trasladou unha unidade do 061, axentes da Garda Civil de Tráfico e Protección Civil de Cambados.