O Grove anulará as axudas á concentración moteira se non se retira o cartel sexista
Por Redacción
Por segundo ano consecutivo o Motoclub Sentolos Rasing utilizou unha imaxe machista no cartel da concentración moteira, para promover este evento.
Conscientes do sexismo da imaxe, os responsables desta asociación instigaron as críticas nas redes sociais, unha polémica na que tamén entrou a concellaría de Igualdade do Grove que esixe a inmediata retirada do devandito cartel e unha rectificación pública.
Aida Filgueira, responsable de Igualdade, primeira tenente de alcalde e voceira de Alternativa Meca (AMeca) propuxo ao goberno local, do que forma parte en coalición xunto co PP e o Partido Galeguista, que o Concello anule toda colaboración loxística co motoclub e a concentración moteira.
O Concello do Grove aparece co seu logotipo no propio cartel en calidade de colaborador, ao igual que a Garda Civil, Turismo Verde de Galicia, Protección Civil, Centro de Iniciativas Turísticas (CIT) e Hostalaría do Grove, entre outros participantes.
Dende esta concellaría trasladouse denuncia ao Observatorio da Igualdade de la Xunta e ao Instituto da Muller.