Os ambulantes concentraranse en Pontevedra para esixir a dimisión do Subdelegado do Goberno
Por Redacción
A Asociación de Empresarios e Comerciantes Ambulantes de Galicia realizará concentracións "durante os próximos tres meses" en Pontevedra e Tui e para reclamar a dimisión do subdelegado do Goberno, Antonio Coello, ante as que consideran "imputacións políticas" de Sinaí Giménez e de tres irmáns, fillos de Olegario Giménez, rei dos xitanos.
A primeira mobilización está prevista para o primeiro mércores dia 28 en horario de 18:00 a 19:30 horas diante da sede da Subdelegación, segundo informa esta asociación nun escrito.
Os ambulantes critican a imputación e a apertura de dilixencias polos presuntos delitos de atentado contra axentes da autoridade, lesións, desordes e obstrución á xustiza tras os altercados acontecidos á saída do xulgado de Tui nos que resultaron feridos un avogado e varios axentes da Garda Civil.
Segundo o colectivo, "se o que buscan é selarlle a boca a Sinaí Giménez sinceramente creemos que se equivocan xa que actualmente estamos en pleno século XXI e afortunadamente en democracia", conclúe o comunicado.