Concentracións en Pontevedra polo asasinato de Isabel Carrasco
Por Oskar Viéitez
Creada e actualizada
Creada e actualizada
As mostras de pesar polo asasinato da presidenta da Deputación e do Partido Popular en León, Isabel Carrasco, repetíronse este martes na Deputación e no Concello de Pontevedra, despois do seu brutal asasinato.
Unha das primeiras mostras chega da institución provincial, onde o seu presidente, Rafael Louzán, que coñecía persoalmente a vítima, expresou a súa tristura e a describiu como unha muller "cunha gran forza vital" e destacou "a súa capacidade de traballo e súa entrega".
Louzán cualificou de "barbarie" é suceso que "resulta difícil de asimilar e comprender que se poida chegar a unha crueldade de tal magnitude".
Na escalinata de acceso ao Pazo Provincial concentráronse un centenar de persoas, co propio Louzán á fronte e o subdelegado do Goberno, Antonio Coello que compartiu o seu "estupor e consternación" por este feito lutuoso.
Igualmente dende o Concello de Pontevedra transmitiuse un sincero pésame e a solidariedade da Corporación aos familiares e amigos.