Veciños da rúa Gonzalo Gallas queixanse do abandono da zona
Por Redacción
Vinte veciños reuníronse cos concelleiros do Partido Popular, Jacobo Moreira e María José Rodríguez, para denunciar o mal estado das rúas de Gonzalo Gallas, Víctor Cervera-Mercadillo e Xerardo Álvarez Limeses.
Os residentes reclaman, segundo o PP, melloras de accesibilidade, iluminación e hixiene. Sinalan que as beirarrúas son moi estreitas, encóntranse en mal estado e afirman que non existe ningunha rampla de acceso para as cadeiras de rodas. Os veciños aseguran que a iluminación actual é insuficiente e que xa provocou algúns problemas de seguridade na zona. Piden tamén melloras na sinalización debido ao desgaste dos pasos de peóns e a instalación de bancos e papeleiras.
En relación coa limpeza destas rúas, os residentes reclaman que a Policía Local controle os donos dos cans, ante a presenza habitual de excrementos. Ademais, solicitan que se cambien os colectores de lixo e se instalen os que contan con elementos de axuda para poder abrilos sen dificultade e os destinados á reciclaxe.
Os representantes do grupo municipal do PP comprometéronse cos residentes a trasladar ao goberno local todas as súas demandas para que sexan atendidas canto antes. Jacobo Moreira anunció que presentará unha moción no pleno para que se solucione esta situación.