Doce personas con discapacidade aprenden a levar un transporte de viaxeiros
Por Redacción
Doce persoas con discapacidade aprenderán a levar vehículos de máis de nove prazas a través dun curso de Condutor D+CAP que organiza a Confederación Galega de Persoas con Discapacidade (COGAMI) a partir do luns 5 de maio.
O curso realizarase nas aulas da Autoescola Ecovial de Pontevedra e entre o alumnado hai 11 homes e unha muller procedentes dos concellos de Caldas, Cuntis, Cangas, Ribadumia, Pontevedra, Vigo, Salvaterra de Miño, O Rosal e Tomiño.
A formación, que ten unha duración de 130 horas teóricas e 10 de prácticas en autobús, impartirase de luns a venres en horario de 16.00 a 21.15 horas e formará ao alumnado en materias como condución racional no transporte de viaxeiros, regulamentación do transporte de viaxeiros e organización do mercado e seguridade do servizo de transporte de viaxeiros.
Todas as persoas que forman parte deste curso son usuarias do Servizo de Inrermediación Laboral de COGAMI de Pontevedra e Vigo. Proceden doutras profesións e decidiron apuntarse ao curso porque o ven como unha oportunidade de novas posibilidades laborais, como ser condutor de transporte de 065 ou de calquera empresa que oferten ofertas de emprego para o manexo de vehículos de transporte de persoas.
Para formar parte desta formación, COGAMI entrevistou previamente a todo o alumnado, que tivo que pasar unha proceso de selección no que demostraron coñecementos xerais eo nivel de condución, ademais de realizar unha entrevista persoal.