Marín busca solucións para evitar os danos que provocan os cabalos soltos
Por Redacción
O Concello de Marín acolleu unha xuntanza con representantes de comunidades de Montes de Marín e Vilaboa e membros da corporación municipal para falar da problemática dos danos que os cabalos soltos provocan tanto en propiedades privadas coma nas comunidades de montes.
Segundo o decreto aprobado pola Xunta, os concellos teñen a competencia en detección ou captura dos cabalos en liberdade nun espazo agrícola ou forestal, en situación de provocar danos.
O BNG presentou no pasado pleno unha moción pedindo esta reunión, que a alcaldesa aproveitou para dar conta do que se estaba a facer neste sentido.
O obxectivo é atopar entre todos os implicados una solución que termine coa práctica de deixar cabalos soltos sen identificar, co perigo que supón cando entran nas fincas privadas e co custo económico que representan.
Na reunión falouse da maior implicación das comunidades de montes para axudar a identificar os infractores, dende o Concello comprometéronse a intensificar o control e as sancións.
Ao longo dos próximos días concretáranse as actuacións para levar a cabo dende a Xunta de Galicia e o Concello de Marín, coordinándose con outros concellos e as comunidades de montes.