Tres feridos nun accidente de tráfico en Vilanova de Arousa
Por Redacción
Tres persoas resultaron feridas nunha colisión entre dous vehículos que circulaban pola estrada PO-530 ao seu paso por Tremoedo en Vilanova de Arousa.
O accidente de circulación rexistrábase minutos antes das 14.00 horas deste luns 21 de abril. Por causas aínda por determinar, os dous turismos impactaban nesta estrada.
Dous dos feridos foron trasladados polo 061 ao Hospital do Salnés mentres que o condutor do outro vehículo foi trasladado polo servizo de Protección Civil de Cambados ao mesmo centro hospitalario.