En cinco anos os municipios da provincia recadaron 13,3 millóns polo IBI dos parques eólicos
Por Oskar Viéitez
Nos últimos cinco anos un total de 36 municipios de Pontevedra cobraron 13,3 millóns de euros das empresas que xestionan parques eólicos e minicentrais instalados nestes termos.
O presidente da Deputación, Rafael Louzán, recordou que a "batalla xudicial" que liderou a Fegamp, baixo a presidencia de José Crespo, posibilitou que dende o ano 2009 os parques eólicos cotizasen por vez primeira como Bens Inmobles de Características Especiais (Bices).
A raíz da sentenza, o Tribunal Supremo incluíu á autoestrada, as minicentrais eléctricas e os parques eólicos como Bices, e fixo unha nova distribución de cotas, xa que con anterioridade ningún municipio percibía nada por este concepto.
Os concellos que máis ingresos tiveron por este concepto foron os da comarca do Deza. Tan só Lalín ingresou 2,6 millóns neste lustro.
Rafael Louzán espera que a reforma no ámbito enerxético que impulsa o Goberno manteña esta situación que tantos beneficios reporta aos técnicos municipais.