Todo preparado na Lanzada para recibir aos mellores surfistas
Por Redacción
Todo está preparado en A Lanzada para acoller a partir de este xoves á elite nacional e internacional do surf profesional. Preto dun cento de surfistas procedentes de 21 países do mundo daranse cita nas Rías Baixas para participar nunha das dúas únicas probas clasificatorias para o campionato do mundo de surf que se celebra en España e co que a Deputación de Pontevedra pretende non só impulsar a práctica deste deporte na provincia senón tamén, e sobre todo, promocionar as Rías Baixas como destino de turismo activo.
Así o destacou esta mañá o presidente da Deputación, Rafael Louzán, na visita que realizou ás instalacións do Surf Rías Baixas Pro, acompañado da deputada responsable de Deportes, Begoña Estévez; do rexedor de O Grove, Miguel Ángel Pérez; ou da concelleira de Deportes de Sanxenxo, María Isabel González.
Ademais, participaron os deportistas Ratkovic, ex xogador do Celta e da Selección Iugoslava; o regatista Antón Paz, o director deportivo do Celta, Miguel Torrecilla; e o ciclista ÿscar Pereiro.
Ningún deles quixo perderse a oportunidade de probar nunha nova disciplina deportiva e, da man de surfistas profesionais, atrevéronse a subirse nunha táboa e cabalgar as ondas de A Lanzada, que esta mañá ofrecía boas condicións para estes bautismos de surf.