Ponte Caldelas 'derrocha' solidariedade
Por Redacción
O salón de actos do Colexio Cordo Boullosa de Ponte Caldelas será o escenario escollido para celebrar un Festival Benéfico a favor de Cáritas Interparroquial organizado polo grupo folclórico "Aires do Norte e Olé", deste municipio, e que terá lugar o próximo sábado día 5 de abril a partir das 20:30 horas.
Durante este recadaranse donativos voluntarios que serán entregados a Cáritas Interparroquial para atender as necesidades das familias en situación de emerxencia social.
No devandito festival participarán o grupo folclórico "Os Catro Ventos" de Ponte Caldelas, o Coro Rociero "Virgen del Rocío", do Calvario (Vigo) e Lenny, ex cantante da mítica orquestra Los Satélites da Coruña, ademais do grupo de sevillanas "Aires do Norte e Olé", de Ponte Caldelas.
Os membros desta asociación cultural e folclórica pretenden realizar esta acción solidaria co fin de axudar a familias en situación de emerxencia social que son atendidas polas distintas agrupacións parroquiais de Cáritas e que non só dedican os seus esforzos a doar alimentos aos que o necesitan senón tamén destinan fondos a axudar familias a facer fronte a recibos da luz ou mesmo cotas de hipotecas.
OS CORIBANTES DE BUCHABADE
Este mércores membros dos Coribantes de Buchabade hicieron entrega aos Servizos Sociais del Concello de Ponte Caldelas uns 2.000 quilos de alimentos non perecedoiros reunidos no Concerto Solidario celebrado no auditorio da Cidade Infantil Príncipe Felipe.